LAOAG CITY – Inpetteng ni Senator Francis “Kiko” Pangilinan a nasken a mailawlawag iti publiko ti tunggal detalye dagiti pondo para kadagiti flood-control projects ti pagilian.
Daytoy ket iti baet ti panawagan ni Pangilinan para iti komprehensibo a national management plan, bayat ti agtultuloy a mapasasaran a panaglayus kadagiti sumagmamano a paset ti Metro Manila ken kadagiti kabangibangna a lugar gapu iti napigsa a habagat.
Segun ken ni Pangilinan, saan nga makaanay a maiyamammo laeng ti gatad dagiti tunggal proyekto iti flood control no diketdi rumbeng a maamoan pay ti publiko ti kinasiasinno dagiti conntractor ken ti status dagiti implementasion.
Inpettengna a nasken a nalawag ti detalye dagiti nasao a proyekto.
Ti nasao a panawagan ni Pangilinan ket bayat iti agtultuloy a mapasasaran a panaglayus a makaapapektar iti klase, trabaho, negosio ken transportasion.
