LAOAG CITY – Inrakurak ni Senate President Pro Tempore Panfilo “Ping” Lacson a plano na nga ileppas ti karera na iti pulitika iti panagngudo ti termino na iti senado intono 2031.
Kuna na a nupay adda pay ti gundaway na nga agpaidasig iti sumaruno nga eleksyon intono 2028 ket awanen ti intensyon na nga agkandidato.
Inbatad na a plano na nga ileppas ti karera na kalpasan ti termino na iti senado tapno agbiag a pribado.
Kabayatanna, immunan nga inrakurak ni senador Robin Padilla a nakasagana nga agbalin a running mate ni Vice President Sara Duterte kabayatan a mailunglungalong met ti panagtandem ti dati a bise presidente ken agdama a Naga City Mayor Leni Robredo ken ni Sen. Bam Aquino para iti presidential elections intono 2028.
