LAOAG CITY – Binalakadan ni Senador Ping Lacson ni Senate President Vicente Sotto III a saan na a balewalaen dagiti miembro ti minority bloc.
Ti minority bloc iti Senado ket bukbuklen ti siyam a miembro nga idadaulwan ni Senador Alan Peter Cayetano kas minority floor leader idinto a 15a miembro met ti majority bloc.
Inbatad ni Lacson a bassit laeng ti nagbaetan ti bilang ti dua a grupo kageddan ti angaw na nga amangan ket adda ti kudeta iti sumaruno nga aldaw.
Adda pay ti angaw a saan da nga alaen ni Senador Joel Villanueva kas majority floor leader ni Sotto gapo ta arig na ket adda ti kudeta kadagiti Senate President a naserbian na.
Nagbalin a majority leader ni Villanueva iti babaen ti panangidaulo da Senador Juan Miguel Zubiri ken Senador Francis “Chiz” Escudero a sinukatan met ni Sotto idi laeng Lunes.
