LAOAG CITY – Kinontra ni Senate President pro-tempore Ping Lacson iti rakurak ni Batangas Rep. Leandro Leviste a maipatpatungpal ita ti “de facto Martial Law” ditoy pagilian.
Inbatad ni Lacson nga adda dagiti gundaway nga immannugot daytoy ken ni Leviste nangruna kadagiti prinsipio daytoy ngem ita a gundaway ket saan a kumanunong isuna.
Inlawlawagna nga adayo ti pammabasol ni Leviste a klase ti “de facto Martial Law” iti agdama a situasion.
Inpetteng ni Lacson nga awan ti makitkitana a panangidadanes kadagiti kumonkontra iti administrasion no sadinno a ni Leviste pay ti nangipila ti reklamo a libel kontra kadagiti kumonkontra iti daytoy.
Kabayatanna, pinatgan ti Senador ti kiddaw a taripnong ni Leviste ken inpakaammo ni Lacson a binalakadanna ti ubing a kongresista a saan a makiriri iti media gapu ta mabalin a saanen a ma-interview isuna babaen kadakuada.
