LAOAG CITY – Inbatad ni Senate President Win Gatchalian nga agtalinaed pay laeng a naka-medical leave ni Senador Loren Legarda gapu iti nakaro a sakitna.
Kinuna ni Gatchalian a personal ti nasao a banag ngem nabayagen nga ammona ti kasasaad ni Legarda kas pagayamna.
Nagturong ni Legarda idiay France idi Agosto 2 ket pinaatiddogna ti bakasionna agingga iti Setiembre 2.
Mainaig iti daytoy, kadwana ti anakna a ni Rep. Leandro Leviste no sadinno nga imbestigaran ti Office of the Ombudsman gapu iti P10-billion a reklamo ti plunder ken graft a mainaig iti solar power firm.
Inlawlawag ni Gatchalian a saan nga umaw-awat ni Legarda iti sueldo bayat ti bakasionn.
Innayonna pay nga awan ti maawat a sueldo dagiti naibalud a senador ken ni Sen. Ronald dela Rosa nga agdama nga aglemlemmeng.
Saan pay a masigurado no kaano nga agsubli ni Legarda iti Senado, gapu ta agtultuloy ti panangasikaso ti Senado iti impeachment trial ni Bise Presidente Sara Duterte, pannakatalantan kadagiti naipila a kagat, ken ti diskusion maipapan iti national budget.
