LAOAG CITY – Inbatad ni Senate President Pro Tempore Panfilo Lacson a kaykayat dagiti sumagmamano a senador ti reenacted 2025 budget ngem ta maganat ti pannakaipasa ti kunana a potentially “graft-ridden” 2026 spending plan.
Segun kenni Lacson, agtultuloy a pakaseknan dagiti senador ti saan pay a nasolbar nga isyu iti proposed outlay.
Dinakamat ni Lacson ti concern ni Sen. Francis Pangilinan mainaig iti farm-to-market road (FMR) projects, a nangibaga a binilyon a pisos ti balor dagiti items ti maibilang a “not properly identified,” nga addaan dagiti sumagmamano a revise manipud iti inaprubaran ti Senado iti maikatlo a pannakaibasa na.
Inlawlawag ni Lacos a kaykayat na ti reenacted budget iti Enero wenno iti sibibukel a first quarter ti 2026 ngem ta maipasa ti unchecked, corruption-conducive ken worse, graft-ridden GAA.
Agpada nga inaprubaran ti senado ken kamara ti P33 billion para iti farm-to-market road ti Department of Agriculture a doble iti kiddaw a P16 billion ni President Marcos.
Ummuna a sinuportaran ni Pangilinan ti pannakadoble ti pondo gapo ta adda ti panangipasigurado nga iti kada farm-to-market road ket addaan ti umno a tags ken specifications.
Inbatad na nga adda ti baro a listaan iti kapada met laeng a balor ti naisubmitir nga addaan ti P8 billion a balor ti proyekto a saan a naikoordenar.
Nupay kasta, saan met a masinunuo ni Pangilinan no ti ahensya wenno ti Kamara ti nangisubmitir iti baro a listaan.
