LAOAG CITY – Suportaran ni Senate President Francis “Chiz” Escudero ti baro a dinutukan ni Presidente Ferdinand Marcos Jr. a mangidaulo iti Philippine Health Insurance Corporation wenno Philhealth a ni Dr. Edwin M. Mercado.
Sinukatan ni Mercado ni dati a Philhealth President Emmanuel Ledesma.
Segun ken ni Escudero, idi koma paylaeng a nasukatan ti dati a presidente ti Philhealth gapu ta iti naunday a panawen a panagtakem na ket saanna nga inaramid ken inbirukan ti solusyon dagiti kangrunaan a kasapulan iti salun-at dagiti umili.
Daytoy pay ti rason no apay nga inikkan ti kongreso ti zero subsidy ti state health insurer ita a tawen.
Gapu ta baro ti presidente ti Philhealth, mangnamnama ni Escudero a masolusyona da ti problema iti uneg ti ahensya kangrunaan na ti maipapan iti benepisyo dagiti umili.
Namnamaen pay ti senate presidente a tutukan ti Philhealth ti benepisyo dagiti miembro na ken siguradwen dagiti kasapulan da.
