LAOAG CITY – Dinayaw ni Sen. Sherwin Gatchalian, ti Chairman ti Senate Committee on Education ti konseho ditoy ciudad ti Laoag iti panangilungalong na ti Anti-Bullying Ordinance kadagiti pagadalan.
Nagyaman pay ni Gatchalian iti Sang. Panlungsod iti pangbalin na nga aktibo ken panangaramid ti addang tapno maisardeng ti bullying kadagiti pagadalan.
Daytoy ket kalpasan nga inlungalong ti konseho a maipatungpal ti Anti-Bullying Ordinance tapno maliklikan nga adda ti agbalin a biktima nga agad-adal.
Segun kenni Gatchalian, adda ti Anti-Bullying Law iti pagilyan ngem kasapulan ti partisipasyon dagiti nagduduma a sektor karaman pay dagiti nagannak, lokal a gobierno ken iti Barangay.
Dinakamat na nga iti babaen daytoy ket adda ti mabukel nga Anti-Bullying Committee kadagiti pagadalan nga isu ti pakaireportan dagiti insidente ti bullying, maimbestigar ken makasarita dagiti nang-bully ken dagiti biktima iti daytoy.
Inpetteng na a dakkel ti akem dagiti nagannak wenno ti panangdisiplina da kadagiti annak da no sadinno nasken a saan da nga ipalubos nga adda ti kastoy a pasamak kadagiti annak da.
