LAOAG CITY – Nangidonar ni Sen. Sherwin Gatchalian ti maysa a milyon a balor na a bagas ditoy probinsya para kadagiti apektado ti Bagyo Egay.
Isuna a mismo ti nangipaima ti umabot iti 300 a sako ti bagas ti inawat ni Vice Gov. Cecilia Araneta Marcos ken dagiti dadduma pay a Sang. Panlalawigan Members.
Segun kenni Gatchalian, bassit man daytoy gapo iti kaado dagiti naapektaran ngem ammo na a makatulong daytoy kadagiti Ilokano.
Inbatad na a babaen iti daytoy ket maiparikna na kadagiti umili nga adda da laeng tapno tumulong kadagiti agkasapulan ken maiparikna ti suporta da kadagiti tattao.
Naamoan a sakbay da immay ditoy Ilocos Norte ket naggapo da idi Abra ken mapan da pay iti ciudad ti Vigan.
