LAOAG CITY – Nagyaman ni Senador Sonny Angara ken ni Presidente Ferdinand R. Marcos Jr. iti panagtalek na kenkuana kalpasan a pinili na daytoy kas baro a sekretaryo ti Department of Education.
Segun ken ni Angara, awaten na a sipapakumbaba ti responsibilidad nga inpaay kenkuana ni Presidente Marcos.
Kuna na a kas baro a sekretaryo ti Department of Education ket nakatutuk iti pannakitinnulong iti amin a sektor, karaman ti sinukatan na a ni Vice President Sara Duterte.
Inbatad ni Angara a babaen iti daytoyo ket masigurado a kada Pilipino ket addaan ti access iti de-kalidad nga edukasyon.
Mamati ni Angara a ti edukasyon ti pundasyon ti masakbayan ti pagilyan, ken daytoy ket iti babaen ti panagtitinnulong a mangikalikagom a mangsolusyon dagiti amin a karit ken gundawayan dagiti oportunidad iti masangwanan.
Magagaran payen ni Angara a makitinnulong ken ni Presidente Marcos ken iti sibubukel nga administrasyon a pagserbian dagiti agad-adal, suportaran dagiti mangisursuro ken paigetan ti de-kalidad nga edukasyon iti pagilian.
Ni Angara ket nagturpos ti Masters of Law iti Harvard University, nagserbi kas senador manipdo 2013 agpapan ita, nagbalin a kongresista ti Aurora manipod 2004 agingga iti 2013, ken maysa isuna kadagiti nangitandudo kadagiti gakat seknan iti edukasyon kas ti Kabalikat sa Pagtuturo Act, Excellence in Teachers Education Act, Universal Access to Quality Tertiary Education Act o Free College Law, Student Fare Discount Act, K to 12, Open Learning and Distance Education Act, Anti-Bullying Act ken sabsabali pay.
