LAOAG CITY – Nagyaman ni Senate President pro-tempore Tito Sotto III iti Korte Suprema iti pannakaibasura ti petision kontra kenkuana ti sumagmamano nga abogado a patawan ti Senador ti indirect contempt iti nagbalin a komentaryo iti impeachment complaint kontra ken ni Vice President Sara Duterte.
Inreklamo ti sumagmamano a grupo dagiti abogado ti Senador idi Pebrero kalpasan nga inrakurakna nga “impossible dream” ti impeachment trial ni Vice President Sara Duterte ken inamendaran pay ti Korte Suprema ti Konstitusion kalpasan ti ruling iti immuna nga articles of impeachment idi.
Inlawlawag ni Sotto a mabalin a kontra isuna iti nagbalin a desision idi ngem saan a kayatna a saoen a napukawan daytoy ti respeto iti korte.
Partikular nga agyamyaman ni Sotto gapu ta protprotektaran ti Korte Suprema ti karebbengan ti tunggal Pilipino a nawaya nga agsarita kadagiti isyu a makaap-apektar iti pagilian.
Inpettengna ti freedom of speech and expression ket maysa kadagiti kapigsaan a safeguards kontra iti tyranny.
Innayon ni Sotto a kanayon daytoy nga agsarita kagiddan iti agtultuloy a panangrespetar kadagiti institusion.
