LAOAG CITY – Mamati ni Senate Majority Leader Francis ‘Tol’ Tolentino nga adu ti ibutaktak ni dismissed Mayor Alice Guo iti ammona maipanggep iti operasion dagiti iligal a Philippine Offshore Gaming Operator inton sumaruno nga executive session nga intuding ti Senado.
Daytoy ket kalpasan a nasaludsod ni Tolentino no mamati isuna a ‘moved forward’ ti imbestigasionen ti Senado kalpasan a nangisayangkat ti executive session dagiti Senador ken ni Guo.
Simmungbat met ti “wen” ti Senador ngem saanen a nangipay pay ti naan-anay a detalye.
Inbatad ni Tolentino a ti panangipalubos ni Guo a mangibaga ti maysa a banag iti executive session a saan a nadakamat kadagiti regular a panagdengngeg ket pakakitaan ti panangrespetarna iti Senado.
Malaksid iti daytoy, kunana a mapilitan a mangibuksilan ni Guo dagiti ammona gapu iti kinarigat ti sitwasionna iti pagbaludan.
