LAOAG CITY – Ibilang ni Senator Joel Villanueva nga harassment ken fake news ti rakurak ni Ombudsman Jesus Crispin Remulla a kiddawen na kenni Senate President Vicente Sotto III nga ipatungpal ti 2016 dismissal order kontra kenkuana.
Dagus a nangipakita ti senador iti dokumento ken kopya ti sertipikasyon manipud Office of the Ombudsman ken Sandiganbayan a mangipakpakita a na-dismiss ti kaso na idi 2019.
Segun kenni Villanueva, daytoy ti mangipaneknek nga awan ti nakapenpen a kaso na a kriminal wenno administratibo ken awan ti kaso kontra kenkuana.
Karamankadagiti dua a dokumento nga inpakita na ket agpada a naiyisyu idi Setyembre 10, 2025.
Maipalagip nga idi 2016, immandar ni dati nga Ombudsman Conchita Carpio Morales ti pannakadismiss ni Villanueva manipud serbisyo gapu iti maipagarop nga anomalya iti panagusar ti P10 milyon a pondo manipud iti pork barrel allocation na idi kongresista pay laeng ti posisyon na.
Kabayatanna, inlawlwag ni dati nga Ombudsman Samuel Martires a naibasura ti dismissal order idi 2019 kontra kenni Senator Joel Villanueva gapo ta awan ti probable cause.
