LAOAG CITY – Inpasigurado ni Senate President Francis “Chiz” Escudero nga ag-convene ti Senado kas impeachment court intono bigat, Hunyo 11 a maudi met a session ti19th congress.
Daytoy ket iti baet ti nabara a debate dagiti senador iti impeachment case kontra ken ni Vice President Sara Duterte,
Iti interview ken ni Escudero, inbatad na nga uray ania ti mapasamak ket ag-convene a kanayun ti impeachment court gapu ta isu ti nagbobotosan dagiti senador.
Kuna na a masapol a mapasamak daytoy sakbay nga ag-adjourn iti agdama a Kongreso ken sumrek ti 20th Congress.
Kabayatanna, nagtalinaed ti takder ti presidente ti senado a mangrugi ti pannakausig ni Duterte iti iseserrek ti baro a kongreso wenno 20th Congress.
