LAOAG CITY – Agtultuloy ti panagsagsagana ti Senado para iti impeachment trial laban kontra ken ni Vice President Sara Duterte.
Daytoy ti kinumpirmaran ni Senate Spokesperson Arnel Bañas nga inton Hunio 2 ti panangtingiting ti articles of impeachment ken inton Hunio 3 ket ditoy nga agsapata dagiti Senador tapno mangrugi ti impeachment trial.
Inlawlawag ni Bañas a dagiti laeng agsapata inton Hunio 3 ket dagiti Senador manipud iti 19th Congress.
Naammoan a gapu ta addan iti Senado ti sumaruno a tignay, no aniaman ti rason tapno saan daytoy nga ituloy, daytoy ket decisionen ti Kamara.
Kunana nga iti agdama ket awan ti maaw-awat ni Bañas a pammilin tapno saan daytoy nga ituloy ti impeachment trail court ti Bise Presidente.
Kabayatanna, kinumpirmaran met ti pannakangiwat ti Senado nga agatendar mismo iti Senado ti House prosecution panel tapno basaen ti articles of impeachment kontra ken ni Duterte.
Innayon ni Bañas, saan a maapektaran ti legislative duties dagiti Senador gapu ta iti bigat ket naikeddeng a mangrugi ti impeachment ken iti malem met ti sesyon ti Kongreso.
