LAOAG CITY – Ikonsiderar ti Senado ti pannakaiyuswat ti hearing inton Sabado no umadu ti suspension ti serrek gapu iti agtultuloy a napigsa a tudo nga epekto ti southwest monsoon.
Segun ken ni Senate President Win Gatchalian, “worst comes to worst” mabalinda met nga iskediul ti hearing inton Sabado no kasapulan, partikular para iti budget hearings.
Kunana a daytoy ti makitkitda a remedio kadagiti nasuspenso a serrek ti gobierno.
No maipapan met iti impeachment trial, saan pay a naapektaran ti schedule gapu ta maysa laeng nga aldaw ti naitantan gapu iti bagyo ken southwest monsoon.
Nupay kasta, bantayanda no kasapulan ti napapaut nga oras wenno kanayonan nga aldaw tapno mapadaras ti panngusig ken ni Bise Presidente Sara Duterte.
