LAOAG CITY – Inpasigurado ni Senate President Tito Sotto a nakasagana ti amin a kasapulan iti kanito a mangiwayat ti impeachment trial ti Senado nga agserbi kas impeachment court.
Inbatad ni Sotto a karaman kadagiti isagsagana ti logistics kas ti venue, taraon, security measures ken sumagmamano pay a kasapulan.
Kunana a ti Chairman ti Committee on Accounts a ni Senador Ping Lacson ti mangipasigurado nga agbalin a naurnos ti amin a logistics.
Kunana a nakalukat iti publiko ti impeachment trial kontra ken ni Vice President Sara Duterte.
Ad-adalen pay ti panangdutok ti pannakangiwat ti impeachment court ngem saan a senador ti pilienda gapu ta makumikomda iti panangtingiting.
