LAOAG CITY – Nagballaag ni Senador Panfilo Lacson a mababain ti Senado kas impeachment court no ibasura nga insigida ti impeachment complaint kontra ken ni Vice President Sara Duterte.
Daytoy ket kagiddan iti nagbalin a rakurak ni Senate President Chiz Escudero a posible ti aniaman a mosyon kas ti dismissal no adda ti maysa a senator judge ti agmosyon daytoy ken pagbubutosan.
Inbatad ni Lacson a no i-dismiss-da ti impeachment case ken adda ti mangiyuli iti Korte Suprema ket nakababain gapu ta mabalin a mabaliktad ti desision ti Senado.
Mamati ti Senador a nalawag ti pammilin kadakuada ti Konstitusion a ti trabahoda kas senator judge ket denggen ti kaso ken agdesision no convict wenno acquit ti akusado.
Inlawlawagna a daytoy laeng ti desision a saan a mabalin a kwestionaren iti Korte Suprema maidasig iti panagkalikagum a motion to dismiss.
Innayonna a masansan kadagiti korte ket saanda nga ikonkonsiderar ti desision mainaig iti motion to dismiss ken dumaldalan iti trial ti kaso tapno makita ti pannakaiprisentar ti ebidensia ti prosekusion ken mabalinda laeng nga ipatungpal ti dismissal ti impeachment case no awan ti linaon dagiti ebidensia.
