LAOAG CITY – Sinuspenso ti Senate impeachment court ti panangusig ni Bise Presidente Sara Duterte gapu iti agtultuloy a panagtudo nga epekto ti southwest monsoon.
Ti pammilin ket manipud ken ni Senate Secretary ken Impeachment Clerk of Court Renato Bantug Jr. ita nga aldaw, Martes, Agosto 18.
Daytoy a desision ket kalpasan nga imbilin ti Malacañang kadagiti opisina ti gobierno iti Metro Manila ken dadduma pay a lugar a naapektaran iti monsoon nga agsublida kadagiti alternatibo a work setup iti baet ti napigsa a tudo.
Malaksid iti napadakkel a monsoon iti abagatan a laud, kimmaro met ti low pressure area iti ruar ti Philippine area of responsibility a nagbalin a Tropical Depression Neneng.
