LAOAG CITY – Manamnama nga inton tawen 2027 a makaakar ti Senado iti New Senate Building (NSB) idiay Taguig City.
Inbatad ni Senador Alan Peter Cayetano, ikarigatanda a makaakar iti katengngaan ti tawen 2027 tapno makakissay ti gastos ti Senado kangrunaanna iti panangrenta ti pasdek ti Government Service Insurance System wenno GSIS.
Nupay kasta, dumanon iti innem agingga iti maysa a tawen ti panagakarda iti baro a pasdek.
Kunana nga iti agdama ket linippasdan ti report mainaig iti baro a Senate building.
Innayonna a kalikagumda a maipresentar inton sumaruno a lawas kagiddan ti panangrugi ti 20th Congress.
