Impalgak ni Senador Ronald “Bato” dela Rosa a dagiti artista a Senador ti maipagarup a rason ti pannakaikkat ni Senador Juan Miguel Zubiri kas Senate President.
Daytoy ti inyebkas ni Senador Bato iti baet dagitj sayanguseng a ti indauluan na nga imbestigasyon seknan ti Philippine Drug Enforcement Agency leaks ti rason ti maipagarup a nangitunda iti pannakaikkat ni Zubiri kas presidente ti upper house of congress.
Kinuna ti Senador nga uray pay sakbay ti imbestigasion iti mapapati a Philippine Drug Enforcement Agency leaks ket addan ti ouster move kontra ken ni Zubiri a maipagarup a pakairamanan ni Senador Jinggoy Estrada.
Gapu iti daytoy ket inpetteng ni Bato, a rimuar manen ti ouster move kontra ken ni Zubiri kalpasan a maipagarop a nagkedked a pinalubosan ni Sen. Ramon “Bong” Revilla a timmabuno kadagiti session “online” gapu iti dimmalanan na a foot injury, banag a nangrurod kadagiti dadduma nga artista a senador a kas ken ni Sen. Robin Padilla, ken ni Sen. Jinggoy nga Estrada
