LAOAG CITY – Inlawlawag ni Sen. Francis “Chiz” Escudero nga awan ti pakainaigan iti aniaman a klase ti political accommodation wenno kasukat a pabor iti panagatendar na iti plenaryo idi Hunyo 3 ken ti pannakipaset na iti biang ti bigbigbigen kas bloc ni Sen. Sherwin Gatchalian.
Inbatad ni Escudero a ti panagatendar na ket naibasar iti obligasyon ti Senado a mangiyuswat ti sesyon kas maiyataday iti konstitusyon kalpasan ti sumagmamano nga aldaw a saan a pannagna ti plenary gapu iti kinakurang ti quorum.
Basar iti senador, nalawag iti Konstitusyon a saan a mabalin nga ti agtultuloy a pannakaitatan ti sesyon a lumabes iti limitasyon nga awan ti pammalubos ti kababaan a pagpandayan linteg ti kongreso, isut gapuna a kasapulan nga agtitipon manen dagiti senador.
Inpetteng n a saan a rumbeng nga ikonektar dagiti kaso a sangsangwen na iti Office of the Ombudsman dagiti nagbalin nga addang na iti uneg ti Senado.
Ni Escudero ket sumangsango kadagiti reklamo a plunder, graft, ken malversation mainaig iti maipagarop a maanomalya a flood control projects, nga addaan ti alegasyon nga umabot iti ₱586 milyon ti kickbacks.
Inpaganetget ni Escudero, a no adda ti direkta nga impluwensya dagitoy a kaso, nabayag koman a nagbaliw ti direksyon dagiti isyu kontra kenkuana.
