LAOAG CITY – Kalikagom a trataren ni Senador Grace Poe ti pakabuklan ti programa iti Public Utility Vehicle consolidation tapno masungbatan dagiti ado a saludsud mainaig iti sistema a mabalin a mangparigat kadagiti driver ken operator iti panagtungpal iti Jeepney Modernization Program.
Inbatad ni Poe, chairman ti Senate committee on public services a bigbigen na ti April 30 deadline nga intuding ti Land Transformation and Franchising Regulator Board (LTFRB) ken Department of Transportation (DOTr) iti Public Utility Vehicle modernization program.
Nupay kasta, inpetteng na a kasapulan a maamoan no ania ti nagbalin a produktibo ti tallo a bolan nga extension a naituding iti Public Utility Vehicle modernization program, karaman ditoy ti rumrumuar a susik a mangparparigat iti sektor.
Kayat pay a maamoan ni Poe no napalag-an ti gobierno ti pautang ken dadduma a financial aspect ti programa.
Kagiddan iti daytoy, positibo met ti pangirigan ni Poe iti pinal a desisyon ti Korte Suprema mainaig iti apela ti transport groups bayat nga umas-asideg ti implementasyon ti Public Utility Vehicle modernization program.
