LAOAG CITY – Indauluan ni Senador Imee Marcos ti naiwayat a panagibunong ti tulong pinansyal para kadagiti benepisiario ti Makabasa Latta Program ditoy probinsya.
Iti babaen daytoy a programa ket naipaayan ti nasurok a 1,500 a benipisyaryo pakairamanan dagiti estudyante iti nagduduma a pagadalan, ken dagiti naapektaran kadagiti naglabas a bagyo a timmama ditoy probinsya.
Imbatad ni Senador Marcos, nga daytoy ket agtultuloy a programa, no sadinno a makatulong kadagiti umili nangruna kadagiti estudyante tapno maseguridad ti masakbayan da.
Segun iti Senador, mabuteng isuna a saan a makaturpos dagiti estudyante no inkaso nga adda mapasaran a didigra ti probinsya kas iti bagyo.
Mainaig iti daytoy ket agarop 50 a million a pisos ti pondo a naiyalokar iti daytoy a programa no sadinno a nakaawat ti kada benepisiaryo iti 3,000 a pisos.
Kabayatanna, tinabunuan dagiti sumagmamano a Mayor ditoy probinsya ti panagibunong ti educational assistance.
