LAOAG CITY – Personal a napan ininspeksyon ni Senador Imee Marcos ti sinking bell tower ditoy ciudad ti Laoag.
Daytoy ket kalpasan nga adda dagiti sumagmamano a paset na a naregreg gapu iti idadayyeg ti napigsa a gingined.
Mainaig iti daytoy, kinonsultar ni Senador Marcos da Provincial Engineer Engr. Luciano Domingo Jr, Provincial Tourism Officer Mr. Aian Raquel, Provincial Social Welfare and Development Officer Mrs. Corazon Lilian Celia Rin, Provincial Disaster Risk Reduction Management Officer Mr. Marcel Tabije, Architect Rex Hofileña, ken ti Diocesan Heritage Committee ditoy ciudad ti Laoag seknan kadagiti dadduma pay a perdisyon a gubuay ti napasamak a gingined.
Kabayatanna, ginundawayan metten ni Marcos ti napan nangbisita ti nakamansayag a ni Mayor Domingo Ambrocio Jr. iti ili ti San Nicolas.
