LAOAG CITY – Inkalintegan ni Senador Robinhood Padilla ti pada na a senador a ni Senador Ronald “Bato” Dela Rosa kalpasan a nagsaludsudan ti media ti maipanggep ti maipagarop a panaglemlemmeng daytoy iti baet ti arrest warrant ti International Criminal Court (ICC).
Inbatad ni Padilla a ti laeng ammo na ket saan a kayat ni Dela Rosa a “makidnap,”.
Daytoy ti kaunaan a public appearance ni Padilla sipud idi Huwebes, kalpasan a naireport a maipagarop a kadwa na ni Dela Rosa idi pimmanaw iti Senado sumagmamano nga oras kalpasan ti insidente ti pammaltog iti uneg ti pasdek ti senado.
