LAOAG CITY – Inpasigurado da senador Sherwin Gatchalian ken Francis Tolentino iti publiko a matuloy ti impeachment trial ni Vice President Sara Duterte intono Hunyo 11 ita a tawen.
Segun ken ni Gatchalian, awan ti sabali a pagpilyan ti senado gapu ta constitutional responsibility daytoy dagiti senador.
Kunana a nalawag iti nakaipalaon iti konstitusyon a kasapulan nga i-convene ti impeachment court kalpasan a nai-transmit iti Senado ti Articles of Impeachment.
Uray ni Tolentino ket inpetteng na a masapol nga ag-convene ti senado tapno pormal nga awaten da ti Articles of Impeachment.
Innayon ni Tolentino a possible a malpas ti impeachment trial iti uneg ti 19 nga aldaw wenno agingga iti Hunyo 30 ita a tawen.
