LAOAG CITY – Nagballaag ni senatorial candidate David D’Angelo ken ni Senate President Francis “Chiz” Escudero a saan nga usaren ti impeachment court kas “bargaining process” tapno maala ti posision ti Bise Presidente no bilang a maikkat ni Vice President Sara Duterte iti puesto.
Dinakamat ni D’Angelo ti pammilin ti 1987 Constitution a kasapulan a rugian ti impeachment proceedings “forthwith” wenno iti uneg ti 24 nga oras kalpasan a naawat ti Senado ti kaso.
Inlawlawagna nga aniaman a pannakaitantan ket mabalin nga usaren ti kampo ni Duterte kas depensa tapno maikkat ti bileg ti proseso.
Inpetteng ni D’Angelo a ti impeachment court ti kakaisuna laeng a wagas tapno mapaneknekan ni Duterte ti panagbalinna nga inosente gapu iti immunity daytoy kadagiti kaso kabayatan nga adda iti puesto.
Mangnamnama ni D’Angelo a saan nga usaren ni Escudero ti situasion para iti bukudna a gagem iti pulitika.
Ginutigotna pay ni Presidente Ferdinand Marcos Jr. nga agpaawag ti special session iti Senado tapno mapaalisto ti proseso ti impeachment.
