LAOAG CITY – Immapela ni Senate Impeachment Court Spokesperson Atty. Reginald Tongol iti publiko nga agtultuloy nga agtalek kadagiti senator-judges iti baet ti posibilidad a mapabaro ti baseline ti voting threshold para ti pannakakonbiktar ken ni Vice President Sara Duterte.
Iti baet ti sentimiento ti publiko a ti rason nga inikkan ti biag dagiti sumagmamano a senator-judge ti pakasaritaan iti paagbalbaliw ti voting threshold ket tapno makonbiktar nga insigida ti bise presidente.
Inbatad ni Tongol nga awan ti nagdumaan dagiti senator-judges iti publiko nga adda met saludsodda no sadinno a kasapulan ti insigida a sungbat.
Innayonna a gagangay nga adda dagiti nagduduma nga opinion a kasapulan ti pannakaresolbar nangruna ta adda laeng ti 20 a bilang dagiti senator-judges nga agat-atendar iti impeachment trial.
