LAOAG CITY – Pinalubosan ti Senate Impeachment Court ti panangiwalin ti prosekusion iti tallo manipud iti uppat nga Articles of Impeachment kontra ken ni Vice President Sara Duterte.
Inaramid ni Senate impeachment court presiding officer Francis Escudero ti nasao a ruling kalpasan a dinakamat ti prosekusion ti saandan a panangiprisintar dagiti tallo nga articles, no sadinno a dua laengen manipud iti lima nga articles ti iprisintardan.
Kabayatnna, impasigurado ni defense counsel a ni Atty. Sheila Sison a saan a maapektaran ti nagbalin a desision ti prosekusion kadagiti nakalinya nga estratehiya ti kampo ti Bise Presidente.
Kinunana a saan a baliwan ti kampo ti depensa dagiti nakaplano a panagtignayda kontra kadagiti nabatbati pay nga akusasion kontra iti Bise Presidente.
