LAOAG CITY – Inrakurak ni Senador Robin Padilla a kontraen ti Senate minority bloc iti panag-convene ti impeachment court no isumitir ti Kamara de Representantes ti articles of impeachment kontra ken ni Vice President Sara Duterte.
Inkalintegan ti Senador, a paset ti obligasyon ti minority ti ag-oppose kas panangsurot iti parliamentary procedure, uray adda ti panagsapata dagiti senador kas huwes.
Innayon na nga agsagsagana metten no agtugaw kas senator-judge.
Kabayatanna, kontraen met ti impeachment ni Senador Jinggoy Estrada gapu iti kaado ti problema ti pagilian ngem inpetteng na a pagibasaran paylaeng ti ebidensya no matuloy ti proseso.
