LAOAG CITY – Kumpiansa ni Senate President Francis “Chiz” Escudero a saan a maapektaran ti trabaho ti Senado iti baet a makumikom dagiti sumagmamano a Senador iti kandidaturada para iti 2025 Midterm Elections.
Adda ti pito a Senador ti agpaidasig iti kina-Senador iti mapaspasangasangan nga eleksion.
Karaman ditoy da Senador Pia Cayetano; Lito Lapid; Francis Tolentino; Imee Marcos; Ramon “Bong” Revilla Jr.; Christopher “Bong” Go ken Ronald “Bato” dela Rosa.
Mamati ni Escudero a kabaelan dagiti pito a reelectionist ti trabahoda iti Senado nupay busy iti kandidaturada.
Patien ti liderato ti Senado a saanda a baybay-an ti responsibilidadda iti Senado.
Kabayatanna, idi nasaludsod no asino ti iyendorsona kadagiti pito a reelectionist a Senador, kunana nga awan ti impluwensiana iti partido ken saan met nga isuna ti Presidente ngem tumulong daytoy agingga iti kabaelanna.
