LAOAG CITY – Inbatad ni Senate President Francis “Chiz” Escudero nga awan ti indikasyon nga adda ti plano ni President Ferdinand “Bongbong” Marcos Jr. nga agpaawag ti special session para iti impeachment trial ni Vice President Sara Duterte.
Inlawlawag pay ni Escudero nga awan pay ti naawat na nga aniaman a kiddaw manipod kadagiti proponents wenno opponents ti impeachment complaint kontra ken ni Duterte.
Inpalgak ti senate president a no bilang agpaawag ti special session ti presidente ket rumbeng nga agatendar da.
Immunan nga inrakurak ni Presidente Marcos a sidadaan nga agpaawag ti special session ngem inlawlawag na a ti formal request ket masapol nga aggapo iti senado.
Nupay kasta, inpetteng ni Escudero nga awan ti rason tapno agkiddaw da ti special session tapno trataren da ti impeachment complaint kontra iti bise presidente.
