LAOAG CITY – Pagsagsaganaen ni Senate President Francis “Chiz” Escudero ti Pilipinas iti aniaman a pagbalbaliwan ti pagannurutan iti panagtugaw ni US President-elect Donald Trump intono Enero 2025 a naigetna nga ipatungpal.
Iti rakurak ni Escudero, kuna na malaksid iti panangipatulod ti “conglatulatory words, masapol nga agtignay a dagus ti gobierno iti panangparnuar ti senaryo iti Trump era ken agsagana iti panangsolbar iti daytoy.
Inpalagip ni Escudero a ni Trump ket major macroeconomic assumption a mangestablisar iti panangusar ti gobierno iti manamnama a panaggaraw ti ekonomiya iti maysa a fiscal year.
Innayon na a no ituloy ni Trump ti karina nga ipatungpal ti ado a deportasyon iti pakasaritaan ti Amerika ket nasurok a 300 a ribo a Pilipino ti maapektaran.
Malaksid iti daytoy, no pumigsa ti dolyar iti babaen ti administrasyon ni Trump ket sigurado a dumakkel ti utang ti Pilipinas iti sabali a pagilian.
