LAOAG CITY – Inbatad ni Senate President Sherwin Gatchalian a ti pannakadesignar ken ni Sen. Francis “Chiz” Escudero kas presiding officer iti impeachment court ket mangipaay kenkuana ti gundaway tapno matutukan na ti legislative matters.
Immuna iti daytoy, iti umuna nga aldaw ti impeachment trial ni Vice President Sara Duterte ken naelektaran ni Escudero kas presiding officer imbes a ni Senate President Gatchalian.
Segun ken ni Gatchalian, isuna a mismo ti nangipaay iti ideya kadagiti kakadwa da iti senado a botosan da ni Senador Escudero kas presiding officer iti impeachment court.
Inlawlawag ni Gatchalian a ti impeachment trial ken ti dadduma pay a constitutional duties ket kasapulan a matutukan a naimbag dagiti mangidaulo ken saan a rebbeng a pagbibingayan ti oras iti maymaysa nga aldaw.
Innayon na nga iti babaen iti daytoy ket kabaelan na nga i-mobilize a patas dagiti napapateg a business karaman ditoy ti Legislative-Executive Development Advisory Council measures, ti mapaspasangasangan a 2027 national budget hearings, ken dadduma pay nga hearings iti dadduma a national concerns.
