LAOAG CITY – Inrakurak ni Senate President Pro Tempore Panfilo “Ping” Lacson a maiyuswat ti full record check ken background investigation iti “surprise witness” a ni Orly Regala Guteza— ti nagpabigbig a dati a security consultant ni Ako Bicol party-list Rep. Zaldy Co.
Segun kenni Lacson, ti chairman ti Senate blue ribbon committee, kasapulan daytoy gapo iti kadagsen dagiti alegasyon na ken ti rakurak ni Gutez ket naipresentar babaen kenni Senator Rodante Marcoleta nga awan ti ummuna nga abiso iti komite.
Basar iti opisina ti senador, ti pimra ken notarial details ti abogado nga adda iti sinapatan a palawag ni Guteza ken naglikudan na nga isuna ti nagpirma wenno nangnotaryo iti daytoy.
Ummunan nga inbatad Guteza ng isuna a mismo ti nagdeliver ti maleta nga addaan ti kwarta iti residensya ni Co ken dati nga Speaker ken Leyte Rep. Martin Romualdez, no sadinno ti kada maleta ket addaan ti P48 million.
Iti interpelasyon ni Marcoleta, kuna ni Guteza a nagideliver ti kwarta iti pataengan da Co ken Romualdez iti mamitlo a daras iti kada lawas sipud December 2024 agingga a nagresign idi Agosto ita a tawen.
Naglikudan met ni Romualdez ti alegasyon ni Guteza ken inawagan na a daytoy ket pamulpulitika laeng.
Maipalagip nga uray ni dati a Bulacan 1st assistant district engineer Brice Hernandez ken inbutaktak na a nagideliver met laeng ti agarop maysa a bilyon a pisos iti staff ni Co a banag a naglikudan ti kongresista.
