LAOAG CITY – Mabalin a makaapektar iti imahe ti Pilipinas iti lubong ti posibilidad nga addaan ti impeachment complaints kontra kada President Ferdinand “Bongbong” Marcos Jr. ken Vice President Sara Duterte.
Daytoy ti inbatad ni Senate President Vicente “Tito” Sotto III.
Nupay kasta, kuna ni Sotto nga agtalinaed nga agsagana no dumanon iti senado dagiti reklamo kontra kadagiti dua a kangatoan nga opisyal iti Pilipinas.
Iti baet daytoy, mangnamnama ni Sotto a saan a mapasamak ti pannakaimpeach dagitoy gapu ta nakababain iti lubong.
Kabayatanna, inpakaammo ni Sotto a no dumanon ti senaryo a maitransmit iti kangatoan a pagpandayan linteg iti kongreso dagiti reklamo para iti trial, addan ti nakasagana nga schedule tapno saan a maapektaran ti legislative duties dagiti senador.
Inlawlawag na nga iti bigat, manipod alas-9 ti bigat agingga iti ala-una ti malem, legislative work ti Senado, ngem apaman a madanun ti alas-tres ti malem agpangato ket agyan da iti impeachment court.
