LAOAG CITY – Nagpadespensar ni Outgoing Governor ken Senator-elect Imee Marcos kadagiti taga Ilocos Norte gapu ti kaawan na ti sumagmamano a bolan ditoy probinsya gapu ti papanda panagkampanya iti nagduduma a lugar ditoy pagilyan.
Inaramid daytoy ni Marcos iti panagbitla na baya ti flag raising ceremony iti kapitolyo probinsyal itay bigat nga inatendaran dagiti amin nga empleado ti gobierno, opisyales ditoy probinsya, kameng ti PNP, DepEd ken dadduma pay.
Nagyaman ni Marcos gapu ta uray saan a nagkampanya iti Ilocos Region ken dadduma a lugar kas ti Cagyan ken La Union ket solid pay laeng ti naala na a botos kadagiti nasao a lugar.
Saan met a nalipatan ni Marcos a nagyamanan dagiti kaalyado na a pulitiko ditoy probinsya.
Inistorya pay ni Marcos dagiti rigrigat da idi panawen ti kampanya ngem nagyaman gapu ta nangatiw ken ita na laeng a marikna ti bannog na ta nalpasen ti eleksyon.
Inpasigurado ni Marcos nga uray nangatiw a senador ket saan latta a mapukaw ditoy Ilocos Norte.
Outgoing Governor -senator elect Imee Marcos
