LAOAG CITY – Nakasaganan ni Senator-elect Panfilo “Ping” Lacson para iti impeachment trial kontra ken ni Vice President Sara Duterte a posible a mangrugi inton Hulio.
Iti baet nga inrakurak ni Lacson a nakasagana daytoyen iti panangtingiting, kunana a nasken a maallukoy isuda nga agserbi kas senator-judge dagiti prosecutors manipud iti Kamara.
Inlawlawagna a nasken a mangiprisentar dagitoy ti credible evidence.
Kuna ni Lacson a nalidem a maaddaan ti conviction no nakapsot ti ebidensia kontra ken ni Duterte ken nalidem a maaddaan ti acquittal no napigsa ti ebidensia.
Nagun-od ni Lacson ti maikapito a puesto iti senatorial race ita nga eleksion 2025.
Iti panagserrek ti 20th Congress, agserbi daytoy kas senator-judge iti impeachment trial kontra ken ni Vice President Sara a posible a rugian inton Hulio 30.
