LAOAG CITY – Sinaludsod ni Senator Erwin Tulfo ti Civil Service Commission (CSC) no kasano daytoy a mangipapaay ti solusion kadagiti mapabpaboran nga empleado ti gobierno pakaseknan kadagiti appointments ken promotions-da gapu iti personal a koneksion.
Sinungbatan met ni Civil Service Commission (CSC) Chairperson Atty. Marilyn Barua-Yap a no man pay awan ti direkta a kontrolda kadagiti appoinmets iti government agencies, adda ti mekanismoda tapno masigurado ti kabaelan dagiti government employees a gun-oden dagiti kasapulan a kuwalipikasion.
Kinuna pay ni Yap a mangiyuswat ti Human Resource Information System (HRIS) ti Civil Service Commission (CSC) no sadinno mang-digitalized ti kuwalipikasion dagiti government employees tapno mapapigsa ti transparency kadagiti appointments ken promotions.
