LAOAG CITY – Patien ni Senator Jinggoy Estrada a napaay ti K to 12 education program ti pagilyan.
Inpeksa ni Estrada ti pannakadismaya na kabayatan ti Senate budget deliberations para iti Department of Education.
Segun kenni Estrada, napaay ti programa gapo ta arig na dagiti nagturpos iti daytoy ket saan a makastrek iti trabaho gapo ta college graduate ti kayat dagiti kompanya.
Kunana a makaaw-awat ti opisina na ti mensahe a mangibagbaga a mawara ti senior high school program.
Inbatad na pay a ti dua a nayun a tawen iti programa ket nayun met a magastos para iti tuition fees, books, food allowances, transportation, ken dadduma pay.
Kuna met ni Senate Finance Committee chair ken budget sponsor Sherwin Gatchalian a ti programa ket nairanta para kadagiti agad-adal para iti global standards.
Inlawlawag na nga arig na 99% kadagiti pagilyan ket addaan ti K to 12 ken dagitoy ti maysa a rason no apay nga adda ti K to 12 tapno makasabay iti global standards.
Innayon na a basar kenni Education Secretary Sonny Angara a ti programa ket nahtalinaed a “work in progress.”
