LAOAG CITY – Nagsapatan kas US Secretary of State ni Senator Marco Rubio ti Florida.
Isuna ti kaunaan a cabinet nominees ni US President Donald Trump a nagsapata iti opisina na ken isuna pay ti kaunaan a tao nga addaan ti Hispanic origin a nagserbi iti nangato a posisyon iti Estados Unidos.
Nakaawat ni Rubio ti unanimous confirmation manipud iti senado sumagmamano nga oras kalpasan ti pormal a panagtugaw ni Trump kas presidente.
Namnamaen a kadagiti sumarsaruno nga aldaw ket adda pay ti sumagmamano a nominado nga agsapata.
Kuna na a prayoridad na nga ilungalong ti foreign policy ni Trump kasta pay ti pannakaitandudo ti kapia.
Ti agtawen ti 53 a Republican senator ket nabayag a nagbalin a miembro ti Senate foreign relations ken intelligence committee.
Mabigbig pay ni Rubio kas naiget a kritiko ti pagilian a China ken Israel.
