LAOAG CITY – Naiyuswat ti send off ceremony para kadagiti kameng ti Philippine National Police (PNP), Philippine Army, ken dadduma pay a support units a maiwaras iti nagduduma a voting precints ditoy probinsya mainaig iti May 13 Midterm elections.
Ti nasao a seremonya ket indaulwan ni Provincial Director Police Col. Cesar Pasiwen.
Immunan a nairakurak nga umabot iti 101 a kameng ti Philippine Army ti maiwaras ditoy probinsya, malaksid laeng kadagiti dadduma pay a personnel manipod iti PNP ken dadduma pay a support units.
Kalpasan ti send off ceremony ket kinataripnong ni Pasiwen dagiti chief of police ken OIC kadagiti amin nga ili ken ciudad ditoy probinsya.
Daytoy ket mainaig iti preparasyon da para iti umay a panagpipili.
