LAOAG CITY – Nagballigi dagiti kameng ti Philippine National Police a nangarestar ti maysa a senior citizen a babai iti Brgy. Bungcag iti ili ti Dingras.
Ti akusado ket agtawen ti 78, housewife ken residente iti Barangay Madamba iti metlaeng nadakamat nga ili.
Naarestar daytoy babaen ti bileg ti warrant of arrest nga inparuk-at ni Hon. Felix Salvador, ti presiding judge iti Regional Trial Court, First Judicial Region, Branch 17 iti ciudad ti Batac gapu iti kaso na nga estafa.
Nairekomendar ti 10,650 a pisos a pagpiyansa ti akusado para iti temporaryo a pannakawaya-waya na.
Iti agdama ket nagtalinaed paylaeng ti akusado iti kwerpo ti pulisya iti ili ti Dingras ken manamnama a maidatag daytoy iti naggapwan ti warrant of arrest.
