LAOAG CITY – Natay ti maysa a senior citizen a lalaki kalpasan a nalmes iti piskarya na iti Sitio Bilbildis, Barangay 21, Sta. Maria iti ili ti Piddig.
Ti biktima ket agtawen ti 81, balo ken residente iti Brgy. 2-Virbira iti ili ti Carasi.
Basar iti Philippine National Police iti ili ti Piddig, nagturong da iti Piddig District Hospital kalpasan a naipakaammo kadakuada nga adda ti intaray dagiti personnel ti PNP-Carasi a biktima ti pannakalmes.
Iti imbestigasyon, agarop alas-otso ti bigat idi Oktubre 18 ket napan ti biktima iti taltalon ngem nagbalaw dagiti annak na idi saan da a mapasangpet iti pangaldaw.
Gapu iti daytoy, napan biniruk dagiti agkakabsat ti ama da ken iti oras ti agarop alas-5:30 ti malem ket ditoyen a nadiskubre da nga agtatapaw iti piskarya da ken maipagarop nga awanen ti biagna.
Naitaray ti biktima iti Piddig District Hospital ngem naideklarar a dead on arrival ken kinumpirmaran ti doktor a nangtaming a pimmusay daytoy gapu iti pannakalmes.
Mainaig iti daytoy, inbatad dagiti annak ti biktima nga adda dagiti gundaway nga agulaw ti ama da ken mabalin a simken ti sakitna kabayatan ti kaadda na iti piskarya a nangitunda ti pannakalmes na.
