LAOAG CITY – Nagballigi dagiti otoridad a nangtiliw iti wanted person a maysa a senior citizen iti ciudad ti Batac.
Ti akusado ket agtawen ti 72, taga Barangay Buyon iti ili ti Bacarra ngem agdama nga agnanaed iti Barangay 35, Billoca iti ciudad ti Batac.
Natiliw ti akusado babaen ti bileg ti alyas warrant of arrest a napetsaan ti Setyembre 18, 1998 nga inparuk-at ti Regional Trial Court Branch 11 iti ciudad ti Batac gapu iti kaso na a 5 counts ti estafa gapu iti illegal recruitment.
Nairekomendar ti 6 a ribo a pisos a piyansa na iti kada kaso isut gapuna a masapol nga agbayad ti 30 ribo a pisos para iti temporary a pannakawaya-waya na.
