LAOAG CITY – Balligi a naarestar ti maysa a maysa a senior citizen ditoy ciudad ti Laoag gapu iti illegal a panagsolicit kadagiti pasaheros.
Daytoy ti kinumpirmaran ni P/Staff/Srgt Seymour Belarmino, duty desk officer ti Philippine National Police ditoy ciudad.
Nabigbig ti suspek nga agtawen ti 74, naasawaan ken residente iti Sitio 3 Brgy 41 Balacad ditoy ciudad.
Kinunana a naarestar ti suspek babaen iti pannakaiserbi ti warrant of arrest nga inparuk-at ni Presiding Judge Elmer Ragudo Bernardo iti MTCC iti siudad ti Batac gapu iti pananglabsingna iti Municipal Ordinance a panakaipawil ti panagsolicit kadagiti pasaheros.
Innayonna a ti nasao a suspek ket naipaayan ti P500 a piansa para iti temporario a pannakawayawayana.
Kabayatanna, naikabil iti kuerpo ti polisia ti suspek para iti naananay a dokumentasion sakbay iti pannakaisublina iti korte a nagapoan ti Warrant of Arrest.
