LAOAG CITY – Natiliw ti Wanted Person ti Ilocos Norte kalpasan ti tallo a dekada.
Daytoy ket babaen ti nagtitipon a pwersa ti Provincial Special Enforcement Team, Solsona MPS, Provincial Intelligence Unit, Tourist Police Unit, 101st Mobile Company iti Regional Mobile Force Battalion 1, 144 Special Action Company iti 14 Special Action Battalion babaen iti supervision niPolice Colonel Julius Suriben, Provincial Director.
Nabigbig ti natiliw a ni Eleuterio Esposo Calleca, agtawen ti 87, balo ken residente iti Barangay 3, Santiago iti ili ti Solsona.
Ti alias warrant of arrest ket inparuk-at ni Judge Felipe G. Pacquing iti Regional Trical Court, Branch 11 ditoy ciudad ti Laoag a napetsaan ti July 1, 1988 gapo iti Illegal Recruitment.
Narekomendaran met daytoy ti pyansa a 60 a ribo a pisos para iti temporaryo a pannakawaya-waya na.
Iti agdama, ti akusado ket nagtalinaed iti kustudiyar ti Philippine National Police iti ili ti Solsona ken maipaima iti korte a naggapoan ti alias warrant of arrest.
