LAOAG CITY – Nagtalinaed pay laeng iti ospital dagiti dua a biktima ti pammaltog a napasamak iti Barangay Madamba iti ili ti Dingras.
Segun kenni Police Captain Norman Pentang, ti chief of police ti Philippine National Police iti ili ti Dingras, ti biktima ket maysa a senior citizen ken maysa a menor de edad, agpada a residente iti nasao a lugar.
Kunana a ti ummuna a naireport kadakuada ket adda ti komosyon isut gapo na a dagus da a napan nagresponde ngem idi dumanon da iti lugar ket naamoan da nga adda pay ti pammaltog.
Inbatad na nga iti panagimbestigar da ket nagriri ti senior citizen a biktima ken ti kabsat na nga isu ti suspek mainaig iti sanikua.
Rumrumuar a ditoyen a napasamak ti pammaltog no sasinno pinaputukan ti suspek iti naminpat a daras ti kabsat na ngem maysa laeng ti timmaba iti abaga na.
Nupay kasta, kunana a nairaman a napaltogan ti maysa a menor de edad babaen iti naiwawa a bala.
Dagus a naitaray iti ospital dagiti biktima ken adda dan iti natalged a sitwasyon.
Kabayatanna, napilaan ti kaso a frustrated murder ken physical injuries ti suspek bayat nga agtultuloy ti naun-unay nga imbestigasyon dagiti otoridad.
