LAOAG CITY – Nakita nga agtatapaw ti bangkay ti maysa a senior citizen iti Burnay River a sakupen iti Barangay Foz iti ili ti Dingras.
Nabigbig ti biktima a ni Loreto Manuel, agtawen ti 74 ken residente iti Barangay Puttao iti ili ti Solsona.
Basar iti imbestigasyon ti Philippine National Police, agarop innem nga oras a pimmusayen ti biktima idi nakita.
Segun iti anak ti biktima a ni Warren Manuel, idi malem kalman ket napan inyakar ti biktima ti baka ken saan dan a napasangpet.
Inlawlawag na nga iti panagbirok na itay bigat ket adda ti nakaibaga kenkuana iti nakita a bangkay ken positibo met a bignigbig na daytoy.
Kunana a lumasat iti karayan ti biktima ken ditoy a posible a naigalis rason ti pannakalmes na.
Kabayatanna, agkidkiddaw ti tulong ni Warren Manuel para iti pannakaimansayag ti ama na.
